Електричниот Fiat би можел да биде Peugeot e-208

Ќе се реализира ли можната соработката меѓу PSA и FCA за која започна да се зборува пред кратко време?

објавено на 6 мај 2019 година

Она што никој не можеше, ќе го сторат електричните возила – ќе ги обединат најлутите конкуренти. Примери нема многу, барем не кај големосериските производители. Но доколку се остварат тие за кои се шпекулира, ќе бидат историски. На пример соработката меѓу PSA и FCA. За неа започна да се зборува пред кратко време, но само во рамките на претпоставките. Сé до пред некој ден, кога извршниот директор на итало-американската компанија Мајк Менли официјално откри дека се заинтересирани за електричната платформа на француската групација. Со неа Fiat лесно и брзо ќе добие мал електричен автомобил базиран на Peugeot е-208, кој ќе го врати во центарот на случувањата на автомобилската сцена. Со тоа и веста за можно партнерство или пак спојување на двете компании ќе се најде во епицентарот на настаните во автомобилската индустрија.

Што ќе се изроди од оваа негова жлеба неблагодарно е да се прогнозира, но факт е дека Fiat Chrysler допрва треба да ја развива своја електрична програма. За неа тешко е да се поверува дека има ресурси. Време секако нема, а во однос на парите се споменуваат некои две милијарди евра минимум. Затоа за да полесно ги следи новите еколошки норми, една ваква соработка со некој друг производител е доста веројатна. А Fiat веќе има две активни соработки во доставната програма со Peugeot, така што оваа нема да биде нешто од небо паднато. Сепак, да почекаме уште малку за да даваме прогнози.