Падна рекордот на Нирбургринг

Rimac Nevera го демолираше претходниот рекорд за 20 секунди

После долго чекање и обемни подготовки, Мате Римац ја испрати Nevera на Нирбургринг да го собори рекордот за најбрз сериски електричен автомобил. А хрватскиот болид тоа го стори со апсолутна доминација – под неговите тркала Зелениот Пекол падна за официјално време 7:05:298. Тоа е за 20 секунди пократко од досегашниот електричен владетел Tesla Model S Plaid. Рекордниот круг го возеше хрватскиот тркач Мартин Кодриќ, на Michelin Cup2R пневматици.

По тој повод Rimac лансираше посебно издание на Nevera наречено Time Attack, кое ќе биде направено во серија од 12 примероци, сите веќе продадени.