Jaguar Vision Gran Turismo Coupe (со видео) » Ем виртуелен, ем електричен

Top News Видео Занимливости Новитети

Ем виртуелен, ем електричен

Jaguar покажа нов електричен хиперавтомобил наменет за видео играта Gran Turismo Sport

Објавено на 29 октомври 2019 година

Футуристичкиот дизајниран, новиот Jaguar Vision Gran Turismo Coupe е електричен хиперавтомобил кој според производителот е инспириран од богатото наследство на компанијата, пред сé од класичните тркачки модели C-Type и D-Type. Иако е виртуелен и постои само во компјутерскиот свет, Jaguar вели дека овој тркач е задвижуван од три електрични мотори со комбинирани 1.020 KS и 1.200 Nm. Еден мотор е напред, а другите два назад, правејќи го Vision Gran Turismo Coupe способен за забрзување до 100 km/h за помалку од две секунди и постигнување максимални 322 km/h. Направен е на лесна монокок шасија од карбон-фибер композити и напредни алуминиумски легури, со која тежината од 1.400 kg се распределена блиску до перфектните 50:50.

Ако ви е набројувањето на сите овие детали звучи чудно бидејќи се работи за автомобил кој не постои, треба да знаете дека ги отсликува желбите и плановите на Jaguar еден убав ден во иднина нешто вакво навистина да се појави. Дотогаш загреаните за адреналин видео-играчи ќе можат да го симнат од серверите на Sony почнувајќи од крајот на идниот месец. Ние другите пак ќе се задоволиме со ова видео.

Видео

клучни зборови: