Volvo Open Doors викенд » Шведски новости под македонското сонце

Top News Македонија Новитети

Шведски новости под македонското сонце

Објавено на 20 октомври 2019 година

Викендов што помина Volvo Македонија ширум ги отвори своите врати за љубителите на марката. А нив таму ги пречека новиот S60, кој отсега е достапен и за нашите купувачи. Овој модел на шведскиот производител е прв што се произведува во Соединетите Американски Држави и прв што ќе доаѓа без дизел мотори. За почеток со бензинци со моќност од 190 и 250 коњски сили и плаг-ин хибрид со комбинирани 390 коњи, а во блиска иднина и во уште една бензинска и хибридна верзија. Сите се опремени со автоматски менувач со 8 степени, а најсилната изведба има и погон на четирите тркала. Како и другите лимузински модели на марката се одликува со моќен но елегантен дизајн. Деталите го истакнуваат спортското во него, додека луксузот е затскриен зад шведскиот минимализам. За квалитетот на обработката и пополнетоста со опрема посебно безбедносната, не треба да зборуваме – тие се подразбираат кога е во прашање Volvo. На располагање е со два пакета опрема, а цените стартуваат од 50 илјади евра. Покрај него, сите заинтересирани за автомобилите на Volvo можеа да се запознаат со останатите модели и да направат тест-возење на нив.

клучни зборови: ,