Nissan – Три нови модели ќе бидат електрични

Со инвестиција тешка 1,25 милијарди евра Nissan ја редефинира својата гама во Европа

Стратегијата на Nissan  е едноставна. Ориентирана е кон електричните возила, а како допринос на неа објави дека покрај новата генерација на Leaf, која ќе се трансформира во кросовер, лансира уште две електрични возила. Дека концептите претставени на салонот во Токио пред некој месец не беа само лудо ветување се потврди деновиве. Нивните комерцијални верзии ќе се  произведуваат во постоечката фабрика во Сандерленд, Англија.

Nissan Hyper Urban

Со ова соопшение станува повеќе од јасно дека следните електрични возила на јапонската марка ќе бидат замени на Qashqai и Juke бидејќи токму тие модели се произведуваат во таа постројка. Идната генерација на Qashqai ќе биде инспирирана од концептот Hyper Urban, а новиот Juke ќе го понесе дизајнот на  студијата Hyper Punk. Следниот Leaf ќе биде инспириран од концептот Chill-Out, кој го најавува моделот како понизок, поелегантен кросовер.

Nissan HyperPunk

Тој ќе биде поставен на CMF-EV платформа од алијансата Renault-Nissan како и кросоверите со средна големина Nissan Ariya и Renault Megane E-Tech. Nissan во Англија ќе инсталира капацитет за изградба на 100.000 единици по возилото годишно. Не беа дадени датуми за почеток на производството на трите нови автомобили, но тешко е да се предвиди дали производството ќе може да исполни половина од капацитетот на фабриката која во своите најдобри денови испорачуваше повеќе од 500.000 автомобили годишно. Како поткрепа на своите амбиции Nissan  објави дека ќе вложи дополнителни 1,2 милијарди евра во својата трета фабрика за батерии.

Nissan Chill Out

Во моментов се гради втора фабрика на локација во Сандерленд која ќе има почетен капацитет од 9 гигават часови. За третата фабрика се преговара со кинескиот добавувач  AESC, која вкупниот капацитет на производство ќе го заокружи на  25 gWh до 2030 година со потенцијал да се достигнат 30 gWh. Компанијата не одлучи дали да им се придружи на другите производители на автомобили во користењето на поевтини батерии од литиум железо фосфат (LFP) во оддалечување од преферираната хемија на никел-манган кобалт (NMC).

Nissan Concept 20-23

Nissan, исто така, планира целосно нов електричен автомобил кој ќе ја наследи Micra што ќе се произведува во фабриката на Renault во Douai, Франција, заедно со целосно електричниот Renault 5. Дали овој потег ќе биде доволно ефективен да им се спротивствави на кинеските играчи ќе покаже времето. Конкурентните и поевтини кинески модели на BYD, Nio, Zeekr и Great Wall се прошируваат во Европа, што претставува реална закана за актуелните компании.

Сподели

Последни новости

Актуелни цени на горивата

  • еуросупер 95 - 80.50 ден
  • еуросупер 98 - 83.00 ден
  • еуродизел Д5 - 69.00 ден
  • течен нафтен гас - 48.00 ден
  • метан - 69.00 ден

Сакате да добивате известувања?

Зачлени се на нашиот NEWSLETTER