KIA Stonic – не типично освежување

насловна

Зрелост на младоста

Наместо со благ редизајн, редовното освежување што го прави на три години на своите модели, KIA во Stonic го нагласи со техника!

објавено на 05.08.2020

Магнетски привлечниот дизајн на Stonic е најзаслужен за добриот скор на стариот континент каде забележа 155.000 сопственици од крајот на 2017 од кога е присутен во понудата. Токму поради тоа апострофирани се техничките елементи кои ќе бидат главен мотив за зголемување на пласманот, покрај, се разбира, изгледот. А кога сме кај него, надворешниот и внатрешниот дизајн останаа во главно не сменети а на купувачите ќе им се понуди повисоко ниво на персонализирање на изгледот со новите бои на каросеријата, покривот, нивното комбинирање како и новите дизајни на тркалата. Внатре, доминира новиот осум инчен колор дисплеј осетлив на допир преку кого се контролираат функциите на забавниот систем и навигацијата со телематски способности означена како UVO Connect од втората фаза. Безбедносните системи се унапредени со новиот напреден систем за помагање на возачот АDАЅ (Advanced Driver Assistance Systems).

Со ова обновување KIA го лансира новиот умерен хибриден систем (MHEV) наменет за бензинските мотори. Впарен е со еднолитрениот T-GDi овој 48 волтен систем дава поголема искористливост на енергијата но и рекуперација на електричната енергија. Компактната полимерна јон-литиум батерија од 48V ја зголемува агилноста на моторот со силата на електриката и го продолжува времето кога цилиндрите мируваат преку стартер генераторот кој е поврзан со ремен со коленестото вратило моторот на внатрешно согорување, системот сам одлучува помеѓу употребувањето на ֲмоторот или генераторот. Кога работи модот ”мотор”, при забрзување на пример, системот додава електрична енергија за да го растерети моторот и да ги намали емисиите на издувни гасови. Кога автомобилот ја намалува брзината тогаш се активира модусот ”генератор” кога се обновува енергијата преку коленестото вратило со цел да се наполни батеријата. Овој спој е наречен MHSG (Mild-Hybrid Starter-Generator). Уште малку ќе се задржиме на техниката. Едно литрениот T-GDi е опремен со континуирано варијабилно погонување на вентилите (CVVD) кое овозможува самиот мотор незабележително да ги менува циклусите на согорување во зависност на оптеретувањето. Количината на сила што се испорачува е иста како и кај претходната генерација Карра мотори, 100 или 120 коњи, но овозможува повисок вртежен момент и до 16% со автоматскиот менувач со двојна спојка.

За љубителите на ”џиџи-миџи” понуден е системот со три модуси на возење, а за еден побогат е понуден со новиот роботизиран мануелен менувач чија електронски надгледувана спојка дава подобра искористливост на горивото и пониска емисија на CO2. Достапна ќе биде и обновената верзија на 1,2 литрениот со двојно впрскување на горивото и 84 коњи. Со технолошките подобрувања, зголемената опременост, особено безбедносната и конективната, како и лесни но ефективни дизајнерски затегнувања повеќе од сигурно е дека крос-оверот од високо конкурентниот во Европа ”В” сегмент има перспективна иднина. Како што сме информирани од увозникот КИА Моторс Македонија премиерата на KIA Stonic ја очекуваме при крајот на годинава. Поради зголемената стандардна опременост цената ќе биде нешто поскапа од актуелната.