Izera – електро возила од Полска

насловна

Реалност или само убави желби?

Минатата недела Electro Mobility Poland (EMP) ги претстави првите полски електро возила Izera.

Објавено на 04.август 2020 година

Двата прототипови кои се претставени на онлајн основа би требало да станат реалност во 2023 година. Се работи за еден седан и едно спортско-корисно возило за кои се предвидени две верзии на батериите од 40 и 60 kWh. Послките електрични возила би требало да бидат во состојба да наполнат 80% од капацитетот на батериите на брз полнач за 30 минути и најавено е дека ќе имаат дострел до 400 километри. Името Izera е дадено според планините кои се наоѓаат помеѓу Полска и Чешка. Она што остана без одговор се прашањата околу финансиската конструкција неопходна за производствениот процес, добавувачите на батерии и очекуваната цена на Izera. Еlectromobility Poland е основана и во сопственост на четири енергетски компании во сопственост на државата чија цел е да употребат компоненти за двата модели од полски производители колку е тоа повеќе возможно!

Дизајнот е направен од Пољакот Томаш Јелец ангажиран во италијанското студио Торино Дизајн додека интеграцијата на компонентите е доверен на германската цомпанија EDAG. Претседателот на ЕМР Пјотр Заремба изјави дека компанијата преговара со два потенцијални партнери без да ги наведе имињата, но повеќе од јасно е дека тоа нема да бидат полски компании. Се шпекулира дека можни партнери се Volkswagen со платформата МЕВ, Toyota која на располагање може да ја стави својата e-TNGA или Hyundai со новата E-GMP. Назначениот официјален партнер EDAG исто така самиот развива модуларна електрична архитектура која ќе биде понудена на слободниот пазар. Сето ова делува хаотично и како лов во матно. Важно владата на оваа членка на ЕУ најави дека призводството ќе се одвива во покраината Шлезија каде ќе бидат вработени 3.500 луѓе. Повеќе од сигурно е дека за производството на Izera ќе биде неопходно знаење од странски компании, многу пари за почеток на производството и јасно дефинирани партнери и пазари. Дали е ова само убава желба или реалност ќе покаже блиската иднина.