BMW 4 – Топлес

Видео насловна Новитети

Кабриолет за романса

Летото замина, стилот продолжува. BMW ја претстави својата гола верзија на серијата 4

објавено 02 октомври 2020

Кабриолет е луксуз, автомобил за специјални прилики, за возење до зајдисонце или до вашето омилено кафуле. Кога се појави металниот преклопен покрив, кабриолетот се репозиционираше како возило за цела година. Но, оваа карактеристика се одрази на елеганцијата и обемот на багажникот. Покривите од ткаенини, поради напредокот на материјалите, се погодни за употреба во текот на целата година па затоа BMW одлучи кабриолетот од серија 4 да има мек покрив, исто како и неговите претходни генерации, кои се појавуваа како серија 3. Не само што линијата има корист од ова решение. Платнениот е полесен за 40 проценти од преклопливиот тврд покрив, а згора на тоа нема да биде само црн туку ќе има верзии со металик бои. Отворањето или затворањето може да се одвива до брзина од 50 км/ч и трае 18 секунди, а багажникот има капацитет од 80 до 300 литри во зависност од положбата на покривот. Бидејќи BMW серија 6 стана серија 8, ”четворката” може да се прошири. Има подолго меѓуоскино растојание и расте во сите димензии. Внатрешноста доаѓа директно од серијата 3, задните седишта исто така треба да нудат доволно простор за подолги патувања. Серијата 4 има помал центар на гравитација од серијата 3, управувачот е дизајниран за висока агилност, и затоа карактеристиките на возењето на отворената верзија треба да се приближат до извонредните динамички квалитети на серијата 4 Coupé и покрај дополнителната тежина заради зајкнувањето на каросеријата. Новиот кабриолет се појавува на пазарот со дизел или бензински мотори во спектар на четири и шест цилиндри. Меѓу бензинските мотори, базирани на четири цилиндричниот B46, вклучени се 420i со 184 КС и 430i со 258 КС. M-440i е со шест цилиндри во линија со 374 КС. Дизел опсегот вклучува еден четири цилиндерски со 190 КС за 420d, со два цилиндри повеќе се три литарскиот 430d кој има 286 КС и импресивни 340 коњи испорачува M440d. Со исклучок на четири цилиндерските бензинци, сите модели имаат хибридизација од 48 волти.

Во зависност од моторот, BMW Серија 4 кабриолет е достапен со заден или погон на сите тркала, додека осумстепениот автоматски менувач е кај сите споменати варијанти. Подоцна ќе се понуди М4 кабриолет, можеби не само со 510 КС и автоматика, туку со 480 КС и шест брзински мануелен менувач. Како што доликува серија 4 кабриолет е опремен со најнови системи за поврзување и инфо-забава од регалот на марката. BMW серија 4 кабриолет се натпреварува на пазарот со соодветните варијанти на Audi A5 и Mercedes-Benz C и E-Class.

Видео