За долги релации
После Mercedes и Volvo претстави електричен камион со 600 километри автономија со полно оптоварување. Ја има истата ознака како и досегашната верзија FH Electric која со батериите од 540 kWh може да помине само половина од тоа. Со овој камион дефинитивно ќе започне да се менува сликата на долголинискиот транспорт. Информациите засега не се комплетни бидејќи сите тестирања не се доведени до крај – Швеѓаните само најавуваат дека батериите се поефикасни и дека целосно го имаат рекалибрирано контролниот систем на електричниот погон. Продажбата се очекува да стартува во втората половина од 2025 година. Volvo досега има испорачано повеќе од 3.800 тешки електрични камиони во 46 земји.
