Трета среќа!
Единственото натпреварување во кое македонски возачи ќе имаат европско искуство и бодување, покрај националните првенства, и за FIA CEZ првенството, стартува викендов на Хунгароринг.
Сезонава планирано е да се возат вкупно 12 трки на шест патеки во Европа. Twingo Cup ќе се вози на познатите Ф1 патеки во Унгарија, Австрија и Италија, како и на патеките во Централна Европа каде заедно во ист тркачки викенд ќе се возат и трки од TCR Eastern Europe, FIA CEZ, FX Series покажувајќи ја сериозноста на организаторите ова натпреварување да биде со сериозни натпреварувачи на познати светски тркачки патеки. Организаторот Aутомотив Груп и АКК Рено Спорт Скопје сезонава ќе им овозможат на возачите да имаат вистински предизвик со учество на патеки на кои се вози и Формула 1. За најдобриот возач во трите сезони во Twingo Cup покрај парична награда се доделува електричниот автомобил Renault Twizzy. Од страна на организаторот на Twingo Cup, Зоран Калеников изрази голема благодарност до спонзорите Аутомотив Груп, С-лизинг, ПСС, Триглав и Агенцијата за млади и спорт. Од пријавени се 33 возачи од шест држави во Twingo Cup, најбројни се оние од Словенија, а од Македонија ќе има девет возачи, а пријавени се учесници од Србија, Италија, Чешка и Австрија. Од нашите девет витези петмина се членови на АКК Рено Спорт Скопје, двајца се од Свифт рејсинг, и по еден член имаат АКК Проспорт и АКК Сити Скопје. Годинава има и двајца дебитанти, Борис Стојменов и Мурис Хамзиќ, кои ќе бидат во возила на AKK Рено Спорт Скопје. Актуелен првак во Automotive Twingo Cup за 2021 година е Давид Малинковски кој лани освои 122 бода и победи на четири од вкупно осум трки, а шестпати беше на пиедесталот.
Натпреварувачи во Automotive Twingo Cup
Борис Стојменов – АКК Рено Спорт Скопје
Ненад Костовски – АКК Рено Спорт Скопје
Ангелче Стојковски – Свифт Рејсинг
Давид Малинковски – АКК Рено Спорт Скопје
Владимир Тренески – Свифт Рејсинг
Слободан Трајковски – АКК Рено Спорт
Зоран Мираковски – АКК Проспорт
Марко Блажевски – АКК Сити Скопје
Мурис Хамзиќ – АКК Рено Спорт
