Tesla доби дозвола за производство во Кина

Top News Занимливости

Tesla доби дозвола за производство во Кина

Објавено на 21 октомври 2019 година

Со запишувањето на компанијата во регистарот на авто-производители, Tesla ја помина и последната административна пречка за отворањето на својата фабрика за електрични автомобили во Кина. Наречена Gigafactory 3 таа се наоѓа во Шангај и според некои претходни најави технички веќе е подготвена за старт на производството. Официјалниот датум за нејзино пуштање во работа сепак сé уште не е објавен. Во план е од неа да излегуваат по 1.000 примероци на Model 3 неделно, бројка која би била достигната веќе до крајот на годинава. Заради пониските давачки како локален производ и веќе добиените даночни бенефиции, тие би биле поевтини за скоро 14.000 долари отколку сега, кога се увезуваат од САД. Покрај Model 3, во иднина таму ќе се произведува и помалиот кросовер Model Y.

Оваа фабрика е прва во Кина со комплетно странски капитал. Има иницијален капацитет за 250.000 возила годишно кој е во план двојно да се зголеми, а во неа Tesla вложи околу 2 милијарди долари.

клучни зборови: