Пристигнува новиот мал SUV од Škoda!

Новиот чешки кросовер ќе ја има својата премиера во Женева, со истата платформа како и VW T-Cross

Објавено на 17 јануари 2019 година

Можеби ќе се вика Kosmiq можеби не, но сигурно е дека ќе ја засили понудата на Škoda во SUV-сегментот. За новиот мал чешки кросовер и досега ни беа познати некои детали, но ниту оддалеку за да нешто процениме за него. За жал информациите и сега изостануваат, иако со доближувањето на неговата премиера закажана за салонот во Женева е јасно дека ќе биде хит на пазарот. Ќе ја има Volkswagen-овата платформа искористена за братските T-Cross и Arona, а дизајнот треба да го наследи од концептниот Vision X. Од објавеното видео се забележува дека ќе се разликува од Kodiaq и Karoq со двата реда светала – хоризонталните ЛЕД дневни горе и главните под нив. Освен атрактивноста, од Škoda ветуваат дека ќе има и други особини со кои ќе ги освојува купувачите – можеби и со хибридната верзија чиј бензински мотор ќе биде задвижуван со природен гас. Освен неа, тешко е дека ќе има погон на сите тркала, но за вистината сепак ќе мора да почекаме до почетокот на март.

Видео