Јапонскиот гигант има сериозни автомобилски планови
Sharp значително го унапреди ланскиот концепт на електричен автомобил и го доведе блиску до производство за што постојат конкретни планови. Тој сега место футуристички линии располага со прифатлив автомобилски изглед со складни пропорции. Предниот дел е поизразен со ЛЕД светла со полна ширина интегрирани во затворената маска. Задните врати се лизгачки а внатрешноста е со рамен под и предни седишта кои можат да се свртат наназад. Располага со технологии за поврзување со куќни апарати и функционалност за интегрирање со соларни панели и станбени системи на батерии. Поставен е на платформата на Foxconn Model A која дозволува висока флексибилност. Технички детали засега не се објавени, а се претпоставува дека може да стигне на патиштата веќе во 2027 година
