На својата премиера редизајнираниот Bayon покажа дека е сериозен играч.
Подобрена агилност, практичност, имплементирање на целиот спектар на актуелни системи за помош на возачот и подобрена удобност за сите патници Bayon ги навестува кросоверски аспирации со зголемен клиренс. Во исто време, компактните димензии и кратките надвиснувања обезбедуваат маневрирање во градскиот сообраќај.
Моделот со погон на предните тркала е долг 4,26 метри и широк 1,81 метри, со висина од 1,57 метри, вклучувајќи ги и кровните шини. Следејќи ја својата воспоставена традиција, Hyundai сега нуди и спортска N верзија на Bayon, со аеродинамични додатоци, ексклузивни 18-инчни алуминиумски тркала и елементи со висок сјај во црна боја. Во зависност од нивото на опременост, 12,3 инчниот инфозабавен дисплеј е комбиниран со 12,3 инчна дигитална инструмент табла во закривен панорамски распоред.
Оние кои ќе се одлучат за пакетот за забава добиваат директен пристап до услуги за стриминг како YouTube преку инфозабавниот дисплеј. Достапно е безжично полнење на паметни телефони, а звучниот систем Bose со осум звучници испорачува одличен звук. Предните седишта се опционално греени и вентилирани, а лумбалната потпора за возачот и прилагодувањето на висината за двете предни седишта овозможуваат индивидуално прилагодување.
Патниците на задната клупа поради меѓуоскиното растојание, кое пораснало на 2,6 метри, имаат повеќе простор за нозе. По лансирањето, моделската понуда ќе се прошири за да вклучи нов хибриден погонски склоп. Системот ќе комбинира 1,6-литарски GDI мотор со електричен мотор и шестстепен менувач со двојна спојка, со системска моќност од 138 КС. Дотогаш, достапни се два бензински мотори со зафатнина од еден литар и 90 или 115 КС.
