Mercedes EQA излезе на улиците

Mercedes планира до 2022 година да лансира 10 електрични возила

Објавено на 18 јуни 2018 година

Иако сé уште е рано за него, Mercedes под слоганот „Време е за нешто ново, време е за менување на играта“ го најави доаѓањето на електричниот компакт EQA. Во краткото и динамично видео може да се забележат неколку промени во однос на концептот претставен лани, кои покажуваат дека овој модел е чекор поблиску до сериското производство. Никакви детали за погонскиот склоп не се објавени – можеби ќе слушнеме нешто на салонот на автомобилите во Париз. Значајно за нас е и тоа што EQA е дело на талентираниот Славче Таневски.