Бикот сега ќе има V8 агрегат
Времето брзо поминува кога се во прашање брзите автомобили – Huracan веќе е подготвен за го отстапи своето успешно место во гамата на Lamborghini на наследникот кој ќе биде преставен на 16 август во Пебл Бич. Настанот италијанската марка го најави со видео во кое новиот модел кој веројатно ќе се вика Temerario не се појавува, но ако подетално се погледне ќе се сфати по нешто за него. Ќе има четирилитарски твин-турбо V8 мотор со хибридна поддршка од три електромотори што наведува на верување дека ќе располага со околу 900 коњи, додека верзијата без нив ќе испалува солидни 800 коњски сили. Како звучи, може да се слушне од видеото.
