Kia XCeed :: Наредното изненадување од Kia

Новитети Поглед во иднината

Наредното изненадување од Kia

Kia Motors ги објави првите скици на претстојната кросовер верзија на Ceed

Објавено на 20 март 2019 година

Се споменуваше дека ќе ја видиме во Женева, но на неа сепак ќе почекаме уште малку. Чекањето ќе се исплати бидејќи кросовер верзија на Ceed ќе биде наредното изненадување од Kia. Треба да биде означена како XCeed што сé уште не е потврдено. Во понуда на Kia ќе се смести меѓу Stonic и Sportage и ќе претставува најпрестижен модел на марката во Ц-сегментот. Скицата што ја прикажува ни дава суптилен увид во изгледот, навестувајќи по што ќе се разликува од постоечкиот хечбек. Од него ќе презеде голем дел од механиката вклучително и моторите, така што и покрај поробусниот изглед и зголемениот клиренс не треба да се очекува погон на сите тркала. Место него, за подобра теренска проодност ќе се грижи електрониката. И ентериерот е прекопиран од истото семејство, со тоа што во него се среќава за нијанса повисока опременост.

После практичниот караван и елегантниот ProCeed shooting brake модел, тој би требало да биде последен член на Ceed-семејството. Се очекува XCeed или како веќе ќе се вика, официјално да биде покажан кон средината на годината.

клучни зборови: ,