Светското женско жири за избор на автомобил на годината WWCOTY, составено исклучиво од припаднички од понежниот пол, ја избра KIA EV9 за годинешен победник
И жените избраа автомобил на годината. Жирито составено од 75 новинарки од 52 земји од цел свет одлучи дека најдобар автомобил за 2024 година е Kia EV9. Во изборот учествуваа вкупно 63 модели од кои по првиот круг гласање беа избрани победниците по категории, а носителот на титулата потоа се бира од нив. Така според критериумите за изборот кои освен вообичаените ги вклучуваат уште и леснотијата за возење и функционалноста, најмногу гласови освои корејскиот електричен кросовер. Тој во финалето ги победи Volvo EX30 кој беше прогласен за најдобар семеен модел, BMW серија 5 како најдобар голем автомобил, Volkswagen Amarok најдобар пикап и Aston Martin DB12 кој победи во премиум категоријата.
