Триумф на индивидуализмот
Иако деталите се познати на пазарот DS 4 ќе дојде есенва
објавено 5. февруари 2021
Премиум брендот DS од групацијата Stellantis доби зелено светло да се развива. Резултат е новиот DS 4. Повеќе од јасно е дека комплетната технологија е превземена од Citrien C4. Со своите димензии – должина од 4,40 метри, ширина од 1,83 метри и висина од 1,47 метри не е далеку од претходниот модел, но се појавува уште понезависно. DS 4, кој беше произведуван од 2011 до 2018 година, беше и дизајнерски поврзан со донаторот. Новата генерација го носи дизајнерскиот јазик на марката далеку напред.
Со остро нацртани линии, тенки фарови и задни светла, DS 4 изгледа модерно, спортски и геометриски. Линијата на покривот е како купе, а карактерот е подвлечен од три различни линии. Дискретно елегантно е почетното ниво, спортска линија е изразена кај изведбата Performance Line и модел наречен Cross игра со контрасти, иако ова не е теренец, промените се чисто визуелни. Коефициентот на отпор на воздухот е 0,30 и постои специјална комбинација на тркало и пневматик која е дизајнирана за минимално триење и отпор на воздухот.
Внатрешноста се карактеризира со модерни форми и одреден раскош што стана потпис на моделите DS. Јасните структури, застаклените и кристалните елементи, како и софистицираните материјали обезбедуваат изглед кој е невиден во оваа класа. Француската љубов кон деталите може да се најде во секој агол. Радоста од експериментирањето се манифестира не само во изборот на материјали. На пример, за промовирање на пазарот треба да се понуди внатрешна варијанта со површини инспирирани од кожата на рибите. Performance-Line е опремен со декор кој наликува на јаглеродни влакна. Во другите верзии има темно дрво како опција.
Електронските системи за удобност и асистенција исто така одат далеку над стандардот за оваа класа. Меѓу другото, ќе има и систем за ноќно гледање што може да препознава пешаци на растојание од 200 метри, а главниот приказ ќе се појави преку отчитување на дисплејот на ветробранот. Матричното светло исполнува големи побарувања, а дневните светла со вкупно 98 ЛЕД диоди овозможуваат карактеристичен потпис на светлината. Опсегот на мотори е обемен. Покрај трите бензинци со 130, 180 и 225 коњи, тука е турбо дизелот од 130 КС. Најсилниот бензинец е впарен со плагин хибриден E-Tense систем со излезна моќност од 225 КС. Сите варијанти се опремени со осумстепен автоматски менувач, кој се контролира преку лизгачки прекинувач наречен E-Toggle. Новиот DS 4 ќе биде достапен од четвртиот квартал годинава, претставувајќи се како индивидуалистичка и прогресивна алтернатива на добро познатите компактни и кросовер модели од германските премиум производители.
