Роботакси во повеќе градови во САД

Единицата на Џенерал Моторс во која се развиваат роботакси возила, планира да ги зголеми операциите со илјадници возила во 2023 година.

Круз ги објави плановите да започне да ги нуди услугите со роботакси возила во Остин и Феникс и дека компанијата планира да се прошири во повеќе градови во САД 2023 година. Раководството верува дека може да ја забрза примената на својата технологија во други градови што ќе генерира големи приходи. Планираното лансирање на Origin, дизајнирано како наменско автоматизирано возило, „е огромно отклучување“ за Круз поради неговата пониска цена. Моментално во фаза на тестирање е Origins управуван од луѓе во Сан Франциско. Волуменското производство се очекува да започне во 2023 година. Досега, Cruise ја вршеше својата ограничена услуга во Сан Франциско со мала флота на Chevrolet Bolt EV. Круз исто така работи на проширување на услугите за испорака со прототип на Origin способен да превезува стоки.

Волмарт е инвеститор и моментално ги тестира услугите на Cruise во осум продавници во Феникс. Извршниот директор на GM, Мери Бара, им изјави на аналитичарите дека очекува GM да продолжи да вложува 500 милиони долари квартално, 2 милијарди долари годишно за проширување на програмата Круз. GM очекува од оваа гранка да генерира приход од 50 милијарди долари годишно до 2030 година. За сега најголем конкурент е Waymo, кој веќе работи во Феникс и се обидува да ги прошири своите бизниси со роботи и испорака во Сан Франциско и на другите пазари што Cruise би можел да ги има во фокус. Круз исто така мора да се натпреварува со платформите за превоз Uber и Lyft кои веќе имаат регистрирани милиони клиенти.