Концепт на нов електричен високоперформансен SUV
Со акцент на новите дизајнерски карактеристики и напредните технологии фокусирани на теренско возење, новиот концепт на Cadillac најавува дека моделите на марката ќе еволуираат. Смелиот 2+2 кросовер едноставно воодушевува со својот изглед и силната мешавина на екстремните перформанси и препознатливиот луксуз на префинетиот ентериер.
Во Cadillac посебно се горди на вештата интеграција на технологиите и задоволството во возењето илустрирани со различните режими за користење. На пример како поздрав за добредојде при приближување кон возилото подот, седиштето, инструмент таблата и воланот се осветлуваат со мека бела боја, а вратата се отвора подигнувајќи се нанагоре.
Изгледот му зрачи со грациозност, елегантниот профил е во функција на оптимизација на аеродинамиката, а драматичните пропорции и цврстиот став пружаат импозантно но урамнотежено присуство. Дефинитивно нешто од стилското изразување ќе послужи како инспирација за потенцијалните идни сериски модели на Cadillac. Детали за погонот нема.
