За целата флота возила групацијата BMW ги намали емисиите на СО2 за 2,8 отсто во однос на 2022 година
Имплементацијата на стратегијата за електрификација на BMW Group е клучен двигател за нејзините континуирани напори за намалување на емисиите во целата флота. Во 2023 година, компанијата продаде вкупно 376.183 целосно електрични возила ширум светот, 74,4% повеќе отколку во 2022 година. Со повеќе од 15 целосно електрични модели во својата линија, BMW Group има за цел да го продолжи својот успешен раст на BEV во 2024 година.
Едно од пет ново испорачани возила на компанијата треба да има целосно електричен погон оваа година. Покрај зголемувањето на електрификацијата на флотата, групацијата BMW работи на континуираниот понатамошен развој на конвенционалните погони. Најновото ажурирање дополнително ја зголеми ефикасноста на моторите со внатрешно согорување. Вкупните вредности достигнаа 102,1 грама на километар (WLTP) за 2023 година во однос на 2022 година кога беа 105 грама на километар.
Ова претставува намалување од 2,8 отсто во однос на претходната година. Групацијата BMW гледа на континуираното намалување на емисиите низ својот возен парк како составен дел од својата стратегија за одржливост. До 2030 година, компанијата планира да ги намали вкупните емисии на CO2 за најмалку 40 проценти по возило од нивоата во 2019 година. Ова ќе се постигне од синџирот на снабдување, производство и во фазата на употреба. Групацијата BMW планира да биде климатски неутрална најдоцна до 2050 година.
