Audi RS Q3 (со видео) » Два компактни суперспортисти

Видео Новитети

Два компактни суперспортисти

Објавено на 7 ноември 2019 година

Audi има намера да ја намали емисијата на јагленород диоксид на своите возила за 30 отсто, но не и да ги скроти RS моделите. Напротив, тие се сé побројни и помоќни. Најнов во низата е моделот Q3, кој располага со искричави 400 коњски сили. Оваа огнена моќ ја добива од 2,5 литарскиот турбо мотор со пет цилиндри, кој спарен со седумстепена автоматика го задвижува сите тркала. За лансирање до сто на час му требаат 4,5 секунди, додека максималната брзина електронски е ограничена на 250. Сепак со опционалниот Performance пакет RS Q3 може да постигне и 280 километри на час. Погледите на случајните минувачи ќе ги привлекува со поагресивниот аеро кит со саќеста маска. Каросеријата му е проширена и спуштена, а тркалата се со големина од 20 или 21 инч. Задниот дел се истакнува со спојлерот на покривот, сјајниот црн дифузор и Audi Sport издувниот систем. Посебно внимание ќе предизвика во својата купеовска Sportback изведба, која беше претставена летово. Внатрешноста е дотерана со кожа, алкантара и спортски седишта и педали. Динамичката контрола на стабилноста е сериска, а со доплата може да се добие со матрикс-ЛЕД светла и керамички сопирачки. Нарачките веќе се примаат, а официјалната продажба ќе започне при крајот на годината. Цените стартуваат од 63.500 евра.

Видео

клучни зборови: ,