Електричен предизвик

објавено 22 декември 2021

Како и многупати досега предводејќи ги иновациите, BMW го однесе светот на тркала на едно ново, електрично ниво. Но го донесе и во Македонија преку маркантниот iX, со кој нашата публика веќе се запозна. Изложениот примерок е од врвната xDrive50 изведба со 524 електрични коњски сили и батерии од 111 киловат-часа кои му обезбедуваат автономија од 600 километри. Максималната брзина му изнесува 200 километри на час а до 100 km/h забрзува за 4,6 секунди. BMW iX може и да се купи, но на него ќе се чека шест месеци, за кои ќе треба да се обезбедат 143.490 евра колку што му е цената. Какав предизвик во возењето ќе донесе можете да прочитате тука од нашите импресии од неговата светска презентација кога го возевме низ Германија и Австрија.