Штедлив убавец

Обновениот Stonic во GT изведба има силни адути

објавено 01. февруари 2021

По темелното обновување на гамата KIA го шири асортиманот на изведби. Stonic е модел што го краси атрактивен изглед. Сега  во изведбата GT има многу дизајнерски цитати инспирирани од спортот. Поставен на 17 инчни тркала и благата издигнатост од тлото запазен е кросоверскиот изглед. Модните детаљи вклучуваат целосни LED светла и преуредена внатрешност. Седиштата се со зајакнати страници во комбинација од црна ткаенина и кожа со контрастни шевови во бело, голем 8 инчен инфо-забавен систем со екран на допир што им овозможува на корисниците да поврзат два мобилни уреди истовремено – еден за употреба на телефон додека другиот за навигација. Новост е безжичната конекција со Apple CarPlay и Android Auto.

Моделот достапен во салонот на Kia Motors Macedonia, e опремен со 1.0 литарскиот T-GDi агрегат кој развива 100 коњски сили и 172 Nm при 1500-4000 вртежи, а менувачот е 7 степен DCT автоматски. Изложениот Stonic во GT Line ниво на опрема во комбинација со автоматскиот менувач и двобојната каросерија чини 21.200 евра.