Volkswagen Golf VIII се појави немаскиран

Објавено на 5 август 2019 година

Ако досега постоеја дилеми кога ќе биде подготвен за лансирање, сега работите се појасни – осмата генерација на Volkswagen Golf се појави немаскирана во јавност што значи дека со голема сигурност може да ја очекуваме на салонот на автомобилите во Франкфурт идниот месец. Ако сепак се случи да не дојде таму, тоа ќе биде заради маркетиншки причини – да му се даде малку предност на електричниот ID.3 за да може тој подобро да стартува со продажбата, бидејќи е јасно дека новиот Golf ќе одземе голем дел од вниманието на публиката. Сепак сé е можно, дури и тоа осмата генерација на европскиот владетел да започне да се продава веднаш после својата премиера, бидејќи е фотографирана во Мадрид за време на снимањето на видео спот.