Заедно сме посилни

На начин кој ретко кој го може, Марко Пејчиновски ќе ги поддржи децата со ретки болести

Објавено на 27 август 2019 година

Со пливање на соло маратон на релација Охрид-Свети Наум-Струга-Охрид, младиот Марко Пејчиновски ќе се обиде да ја разбуди нашата општествена свест за поддршка и преземање активности за децата за со ретки болести. На релацијата со вкупна должина од 64 километри тој ќе тргне денес, а се очекува да пристигне на целта на градското пристаниште во Охрид утре во вечерните часови. Овој несекојдневен настан треба да покаже дека секој поединец може индивидуално да влијае за придонес за заедно да ја подигнеме свеста за местото на децата со ретки болести и нивниот третман од и во општеството. Со целото срце и мислите за нив, му посакуваме мирно езеро на Марко.