Непристојна понуда
Во пресрет на 100-годишнината на корпорацијата Chrysler, Френк Б. Родс Јуниор, правнукот на нејзиниот основач Волтер Крајслер прогласувајќи се за спасител на своето семејно наследство побара да ги откупи марките Chrysler и Dodge. Разочаран зошто Stellantis не им придава еднакво значење како и на останатите марки од своето портфолио, тој ги повика инвеститорите и работниците да му се придружат бидејќи во опасност е доведена американската автомобилска индустрија. Во писмото од 17 страници во кое критикува за ситуацијата во која денес е групата испратено до Карлос Таварес и директорката на Chrysler Кристин Фјуел тој не споменува конкретна сума, но како мал производител на мебел пари за тоа сигурно ги нема, заради што од страна на Stellantis беше одбиен со кратко соопштение.
