Игор Стефановски Иџе – Во лов на четвртата круна со Ferrari

Македонскиот автомобилски ас следната сезона во Европскиот шампионат на ридско брзински патеки ќе настапува со Ferrari

Освојувањето на третата европска титула донесе голема радост за потврдениот автомобилски ас, а неговата верна публика, впрочем како и цела Македонија, е гладна за нови триумфи на европскиот асфалт.

Иџе застана на европскиот трон освојувајќи најмногу поени од сите возачи во годинешниот шампионат. Тој во генералниот пласман со Hyundai i30N TCR настапуваше во „Група 2“ и прокнижи 193 поени, седум повеќе од второпласираниот, кој патем речено, беше зад воланот на Porsche 997 GT3R и настапуваше во повисоко рангираната „Група 3“.

Вечерва Иџе заедно со неговиот тим, во прекрасна атмосфера и во присуство на голем број негови фанови го претстави возилото со кое во сезоната 2024-та ќе атакува на својата четврта европска титула. Овој пат влоговите се многу поголеми. Извонредниот Иџе идната сезона ќе ги „пегла“ ридските патеки низ Европа со специјално подготвениот Ferrari 488.

Тоа е голема привилегија и признание за Иџе бидејќи ергелата Ferrari, иако дебело ги наплатува своите специјално подготвени возила, не дозволува било кој да се натпреварува со нив. Наскоро ќе ги имаме сите детали за возилото и плановите на тимот на Иџе. Ние и целата македонска публика му посакуваме следната година да му биде подеднакво успешна како оваа, и повторно да ги потврди своите возачки квалитети во повисоката класа. НАПРЕД ИЏЕ!!!

Сподели

Последни новости

Актуелни цени на горивата

  • еуросупер 95 - 80.50 ден
  • еуросупер 98 - 83.00 ден
  • еуродизел Д5 - 69.00 ден
  • течен нафтен гас - 48.00 ден
  • метан - 69.00 ден

Сакате да добивате известувања?

Зачлени се на нашиот NEWSLETTER