Горивата поскапуваат!

Top News Македонија

Горивата поскапуваат!

Објавено на 15 јули 2019 година

Кој наполнил арно, кој не тоа може да го стори до полноќ – од тогаш кај нас горивата поскапуваат. Според одлуката на регулаторната комисија за енергетика, нивната цена во наредната недела кај нас ќе изнесува 70,50 денари за литар безоловен моторен бензин еуросупер БС-95, два денари повеќе за еуросупер БС-98, додека цената на дизел горивото еуродизел БС Д-Е V ќе биде 62,00 денари за литар. Според нашите антимонополски регулатори, до овие бројки е дојдено врз основа на зголемувањето на референтните цени на нафтените деривати на светскиот пазар во споредба со изминатиот седумдневен период кои забележаа зголемување кај бензинот за 5,136% и кај дизелот за 2,585%, поради што во структурата на цените на нафтените деривати е извршено соодветното прилагодување. Плус на тоа, курсот на денарот во однос на доларот во изминатиот пресметковен период забележа поскапување за 0,676%. Имајќи ги предвид влијанијата на овие елементи во формирањето на цените на нафтените деривати, според методологијата објавена во службен весник број 103/2019 – кој го има ќе знае за што зборуваме, а кој не ќе точи гориво по малопродажна цена во просек поголема за 2,35%.