За оние кои се вљубени во долгите патувања

Објавено на 29 мај 2018 година

Холандската работилница RemetzCar уште на почетокот на мината година најави дека на заинтересираните клиенти ќе им понуди и практична Shooting Brake варијанта на електричниот Tesla Model S. За развој беше задолжена независната дизајнерска компанија Niels van Roij Design, а целиот процес траеше дури и премногу време. На резултатот сепак вредеше да се чека – конверзијата на лимузината е извршена практично беспрекорно, а впечатливата зелена боја во која таа е претставена само ја нагласува суштината на нејзиното постоење. Холанѓаните наведуваат дека на купувачите на располагање ќе им бидат бројни опции, најмногу за персонализација на ентериерот и екстериерот. Цената не е позната – неа ќе ја дознаат само 20 сериозни купувачи на овој модел.