Најмалиот електричен автомобил на VW ќе се произведува во Германија и ќе чини 20.000 евра
Извршниот директор на германскиот производител на автомобили, Томас Шафер, го најави новиот проект како дел од планот за консолидација и проширување на гамата БЕВ од Волфсбург по пристапна цена. Во форма на концепт возило ќе биде прикажан идниот месец кога треба да му биде објавено и името. Иако Volkswagen експлицитно не го потврди името на моделот, тој претходно беше означен како ID. 1, но објавениот цртеж сугерира дека може да се вика ID.One.
Неговото позиционирање е под претстојната сериска верзија на концептот ID.2all, кој треба да биде лансиран идната година, а неговата цена се очекува да биде од 25.000 евра. И покрај неодамнешното преместување на производството на Golf во Мексико, Томас Шафер потврди дека фабриката во Волфсбург во Германија ќе остане „срцето на брендот Volkswagen во електричната ера“.
Фабриката ќе биде одговорна за производство на следните генерации на големите електрични возила Golf и T-Roc. Овие модели ќе бидат изградени на новата платформа за скалабилни системи (SSP), користејќи целосно нов производствен процес. Ова е дел од планот компанијата да претстави девет нови модели во Европа до 2027 година.
