Тигар за парада

Triumph Motorcycles прослави важен јубилеј

Неодамна, британскиот Triumph го произведе милионитиот мотоцикл. Да нема забуна се работи за новата компанија која после банкротот на истоимениот британски производител ги откупи правата на името и во 1990 година го лансираше својот прв модел. Почитувајќи го наследството со кое се стекнаа, новите сопственици вложија околу 100 милиони фунти во современи технологии кои овозможија Triumph денес да биде еден од најголемите производители на мотоцикли во светот. Јубилејниот модел е посебна варијанта на Tiger 900 линијата која лансирана пред две години стана исклучително успешна.