Toyota Land Cruiser само за Африка

Занимливости

Toyota Land Cruiser само за Африка

Со оглед на нашите патишта некој ќе праша зошто не и за кај нас, но затоа има добра причина

Објавено на 23 септември 2019 година

Toyota Land Cruiser е легенда. Се произведува од 1951 година, а сега е во својата 11 или 12 генерација – не може прецизно да се каже затоа што со текот на годините се раздвои на две семејства, а некои дамнешни модели сé уште се произведуваат. Таков е и овој што го гледате, со ознака Namib, базиран на генерацијата Ј7 од ’84-тата, комерцијално позната како Land Cruiser 70. Таа важи за еден од најиздржливите теренци направени било когаш во светот и затоа не е за изненадување што и ден-денес се произведува за африканскиот пазар. Комплетно прилагодена и неприкосновена заради доста тешките услови за експлоатација, таа е опремена е со V8 турбодизел мотор од 4,5 литри и 205 коњски сили, со непознати стандарди за издувните гасови. Но ако механиката е наменски застарена, опремата не е – Land Cruiser Namib има електрични стакла, блутут, АБС, предни воздушни перници… Седиштата се преслечени со навлаки кои лесно се симнуваат за да се исперат, а се среќаваат и други детали кои возењето го прават поудобно, како што се ЛЕД осветлувањето и разладуваната касета. Заради сето ова автомобилот воопшто не е евтин – чини околу 55.000 евра.

клучни зборови: ,