Синоним за совршенство

Новиот Porsche 911 Turbo S ќе развива 630 KS

Објавено на 25 ноември 2017 година

Porsche 911 од идната генерација ќе ја има премиерата во 2019 година. Веќе се најавени нова шасија и подобрено ослонување, а за прв пат ќе се вградува и хибриден plug-in погонски склоп. Но она што ќе привлече најголемо внимание е Turbo S изведбата. Со делови од 911 GT2 RS ќе биде доработена до совршенство и нејзиниот 3,8 литарски твин-турбо ќе има 630 KS, за 50 повеќе отколку сегашната генерација. Со него перформансите ќе бидат доведени на едно ново ниво, без оглед на тоа што 911 Turbo S ќе има помалку коњи во однос на силната конкуренција. Покрај механичките, меѓу главните измени во дизајнот ќе бидат и задните светла инспирирани од концептот Mission E.