Нов живот за легендарната четворка!?
По планетарниот успех на својата визија за иконскиот Renault 5, марката се впушта во ново претскажување, овој пат за легендарниот Renault 4. Во негова чест на претстојниот 89-ти Париски саем на автомобили, на 17. октомври, ќе биде откриена визијата за новиот изглед на „четворката“ од чие пензионирање поминаа точно три децении. Екипа дизајнери под диригентската палка на Жил Видал, потпреседател за дизајн на Renault, даде модерна интерпретација со адекватен карактер на легендарниот модел кој остави длабока трага во средината на минатиот век.
Концепт верзијата е обликувана да им се допадне на младата генерација. Конференцијата и прикажувањето на студијата Renault 4 ќе можете да ја следите директно на 17.10. во 09:00 часот на линкот што ви го проследуваме:
