Динамичко дуо
За љубителите на октанскиот звук денес е празник – Porsche претстави две нови верзии на Panamera. Едната додуша е хибридна ама затоа брутална како никоја друга Panamera – зад нејзината ознака Turbo S E-Hybrid се кријат 782 KS и 1.000 Nm доволни за соборување на сите рекорди вклучително и Нирбургринг. Втората со своите 500 коњи е малку поскромна ама затоа ја носи ознаката GTS. Заеднички и на двете верзии е ажурираниот четирилитарски V8 битурбо мотор. Со него и хибридната поддршка што ја има од електромоторот сместен во осумстепениот менувач со двојна спојка, Panamera Turbo S E-Hybrid постигнува максимални 325 km/h и забрзува до 100 km/h за 2,8 секунди. Постигнувањата на Panamera GTS пак се 302 km/h и 3,8 секунди до сто.