Следната генерација на 208 може да ја оживее иконската GТi изведба
Peugeot има неколку иконски модели меѓу кои на пиедесталот е 205 GTi.
Во својата кариера беше еден од најпродаваните во својата класа, но за спортските фанатици поважен беше фактот што царуваше на рели натпреварите и беше лут ривал на сонародникот Renault 5 Turbo.
Неодамна Renault ja лансира ретро-футуристичката реинтерпретација R5 Turbo 3E со два електрични мотори поставени на задните тркала со моќност од 507 КС! Многу логично е да се донесе слична одлука во управниот одбор на Peugeot. Идната генерација на Е-208 би можела да користи, ако не повеќе, електричен мотор со 278 КС веќе аплициран во моделите на Abarth 600e Scorpionissima, Lancia Ypsilon HF и Alfa Romeo Junior Veloce.
Бидејќи има уште неколку години додека дојде новата генерација на Е-208, се очекува 2027 или 2028 година, многу е извесно дека веќе постојат планови да се вклучи како Peugeot Sport Engineered модел и повторно да ја разгори конкурентноста со сонародникот. Секако дека РЅЕ третманот би можел да донесе можеби повеќе сила отколку сегашната на R5 Turbo 3E.
Доколку се употреби истиот рецепт, два електро мотори, тогаш Е208 GTi теоретски би имал повеќе од 550 коњи! Без оглед дали ознаката би била PSE или GTi, вистината лежи во тоа дека автомобилот би го конструирал Peugeot Sport Engeneered и би имал значителни разлики во однесувањето во однос на стандардниот Е-208.
Не мора да се оди во екстрема, како што тоа се направи направи со R5 Turbo 3E. Доволно би било да се види како Peugeot ги брка Alpine A290 GT и Mini JCW Electric. Пазарот на мали „жешки“ хечбеци се враќа на сцената без оглед што тие се електрични, но и значително по динамични од своите бензински донатори.
Но ова е само наше видување на работите произлезено од следењето на климата и изјавите на челниците на Stellantis.
