Останатите стој, Corolla напред!
Новиот караван на Toyota има 598 литри багажник и старо име
Објавено на 6 септември 2018 година
Почитувани, ова е „новата“ Toyota Corolla. Наводниците моравме да ги ставиме од две причини. Првата е дека моделот што го гледате е само караванска верзија на новиот Auris претставен во Женева пролетва, а втората не треба да ви ја објаснуваме бидејќи култното име Corolla добро го познаваат повеќе од 45 милиони купувачи ширум светот. Како и да е, отсега па натаму сé што од Toyota е од компактната класа ќе се вика Corolla, а овој каравански модел конкретно Touring Sports.
Но, да ја оставиме семантиката настрана – нека со неа се занимаваат маркетиншките стручњаци. Она што нас нé интересира е дека караванот кој први ќе го видат посетителите на салонот на автомобилите во Париз ќе се гордее со големиот багажник од 598 литри и меѓуоскиното растојание од 2.700 mm. За задоволување на ексцентричноста на обично конзервативните купувачи на оваа марка, овој модел и овој тип водила ќе биде понуден со четири биколорни комбинации на боја на каросеријата со црн покрив, додека другото ќе го наследи од сé уште на купувачите непознатиот Auris хечбек. А тоа се новата TNGA (Toyota New Global Architecture) GA-C платформа, најпространата задна клупа во класата и селекција од бензински и хибридни мотори со силина меѓу 117 и 182 KS. Дизелите засега не се споменуваат, барем не до крајот на годинава, кога Toyota Corolla Touring Sports ќе се појави во продажните салони.
