Не возете во Грција во влечки

Објавено на 24 јули 2018 година

Не треба ниту кај нас, ама во Грција никако, да не ви преседне одморот. Имено, според прописите, возењето во влечки се смета за загрозување на безбедноста во сообраќајот за што таму не само што ќе бидете казнети 50 евра, туку и ќе ви ја одземат возачката дозвола на еден месец, а тоа веќе ќе биде доста незгодно. Причините зошто не треба да возиме во влечки (и слични обувки) кои можат лесно да се лизнат од ногата сметаме дека не треба да ги образложуваме. Англичаните, пак, сметаат и пресметале дека заради возење во влечки годишно се случуваат дури 1,4 милиони сообраќајни несреќи.