Лансирањето на производството на MINI Countryman означува пресвртница во историјата на марката
Новиот MINI Countryman е првиот модел на британската марка што ќе се произведува во Германија. Фабриката на BMW во Лајпциг сега, покрај Серија 1 и Серија 2, ќе го произведува новиот Countryman. Флексибилната структура на склопување овозможува на една производствена лента да склопува различни по габарит и форма возила и три различни погони – на согорување, plug-in-hybrid и целосно електричен. Посебноста е што нејзиниот флексибилен производствен систем сега за прв пат се користи за повеќе брендови.
Производството на најголемиот модел MINI досега претставува важен чекор во иднината на фабриката на BMW Group во Лајпциг. Од 2018 година, компанијата инвестираше околу 700 милиони евра во локацијата во Саксонија за да го зголеми капацитетот и да овозможи производство на MINI Countryman. Трета генерација на возилото ќе биде достапна и со целосно електричен погон. BMW планира до крајот на идната година да го зголеми бројот на вработени во фабриката за повеќе од 1.000 лица.
