EQS стана лабораторија на тркала во кого се тестира првата апликативна батерија со цврста состојба
По интензивно лабораторијско тестирање прототипот на батеријата со цврста состојба беше интегриран во EQS кој беше малку модифициран за да одговара на новата батерија.
Овој тип батерија користи цврст електролит наместо течен, што ја подобрува безбедноста на ќелијата и овозможува користење на нови аноди како литиум-метал, со што значително ги надминуваат конвенционалните литиум-јонски ќелии. Технологијата со цврста состојба има потенцијал да ја зголеми гравиметриската густината на енергијата на батериите до 450 Wh/kg на ниво на ќелија и со тоа да го зголеми опсегот на возење.
Гравиметриската густина на енергија се однесува на количината на енергија складирана во ќелијата на батеријата по единица маса. Оваа метрика е клучна за проценка на ефикасноста и перформансите на ќелиите на батериите, особено во апликации каде тежината е критичен фактор, како што се електричните возила.
Технологијата на батерии во цврста состојба ја намалува тежината на батеријата додека ја подобрува безбедноста на ќелијата. Батеријата во цврста состојба во возилото базирано на EQS овозможува до 25% поголема автономија на возење во споредба со истата тежина и големина на батеријата на соодветната стандардна батерија, која во моделот EQS 450+ има капацитет од 118 kWh и нуди автомономика до 800 км.
Дополнителна тежина и енергетска ефикасност се постигнуваат преку пасивно ладење на батеријата. Развојното возило се очекува да има автономија од над 1.000 км. Во текот на следните неколку месеци, Mercedes-Benz дополнително ќе ја тестира батеријата во цврста состојба и нејзините севкупни перформанси во електрично возило со обемни лабораториски и тестови во возење.
