Mazda Skyactiv-X ★ Револуцијата започна (со видео)

Share on facebook
Share on twitter
Share on linkedin

Револуцијата започна!

Скоро две години откако прв пат слушнавме за него, Mazda ги објави спецификациите на новиот Skyactiv-X мотор

Објавено на 12 јуни 2019 година

Тој со комбинирање на дизел и бензински циклус на работа и степен на компресија од дури 16,3:1 има за 30-тина отсто помала потрошувачка. За почеток ќе се вградува само во Mazda3, која со него ќе се задоволува со минимални 4,3 литри гориво на 100 поминати километри. Соодветно и емисиите на јагленород диоксид му се намалени на само 96 грама на километар, но според старите норми. Според новите WLTP стандарди просечната потрошувачка му изнесува 5,4 литри, а емисиите 122 грама јагленород диоксид. Перформансите притоа воопшто не му се загрозени. Напротив, тој од двата литра работна зафатнина извлекува 180 коњски сили и 224 њутн-метри максимален вртежен момент. Стандардно со него во пакет доаѓа и благ хибриден систем кој работи на 24 волти. Mazda3 со овој агрегат ќе биде на располагање во хечбек и седан изведби, со мануелен или автоматски менувач и погон на предните или сите четири тркала. Првите испораки се предвидени за наесен, а цените официјално не се објавени.

Паралелно со електрификацијата, следен проект на кој работи Mazda е развојот на сосема нова Skyactiv 3 генерација мотори. Тие се предвидени за 2025 година и треба да емитуваат просечни 65 грама на километар јагленород диоксид.

Видео

Сподели

Последни новости

Актуелни цени на горивата

  • еуросупер 95 - 80.50 ден
  • еуросупер 98 - 83.00 ден
  • еуродизел Д5 - 69.00 ден
  • течен нафтен гас - 48.00 ден
  • метан - 69.00 ден

Сакате да добивате известувања?

Зачлени се на нашиот NEWSLETTER