На посебно барање на еден свој верен купувач од југоисточна Азија, Jaguar направи два потполно нови примероци на легендарниот Е-Type точно 50 години откако престана со негово производство.
Користена е оригиналната техничка документација но возилата не се идентични како некогаш – имаат 3,8 литарски мотор со електронско вбризгување место тројни карбуратори, спарен со петстепен менувач.
Меѓу другите модерни подобрувања се загреваното ветробранско стакло и блутут радиото. Посебно внимание е посветено на филигрански прецизно обработената внатрешност во која се среќаваат детали од сребро и 18-каратно злато.
Колку чинат овие автомобили не е познато – место тоа Jaguar објави дека на неговите експерти им биле потребни повеќе од 2.000 работни часа за да ги направат.
