Додека ние се гушиме во загаденост, европските метрополи се трансформираат на градски превоз на струја
Миланската компанија за јавен превоз АТМ (Azienda Trasporti Milanesi), потпиша договор за снабдување на 153 нови електрични автобуси со што означува голема пресвртница во транзицијата на градот кон одржлива мобилност. Договорот, вреден повеќе од 120 милиони евра, е дел од стратешкиот план да понуди сè поодржлива и достапна мобилност.
АТМ е посветен на пренамена на целиот градски возен парк, кој брои 1.200 автобуси, во електрични и ќе ги направи неопходните промени во околниот екосистем, кои вклучуваат обновување на депоата и создавање на нови капацитети кои ќе бидат целосно интегрирани во дизајнот на градот. Пристигнувањето на новите електрични возила IVECO BUS e-Way претставува клучен чекор во планот за целосна електрична енергија на АТМ, а тоа е до 2026 година, половина од автобусите во Милано да бидат електрични.
IVECO BUS ќе испорача 153 нови електрични автобуси од 12 метри и нивно целосно сервисно одржување десет години. Првите испораки се очекуваат до првиот квартал на 2025 година, а сите преостанати автобуси треба да бидат испорачани до јуни 2026 година. Инвестицијата од оваа големина е потврда дека јавниот транспорт во Милано се соочува со немирни еколошки и енергетски предизвици и дека IVECO BUS е во состојба да обезбеди остварливи решенија како еден од главните добавувачи на АТМ.
Со текот на годините, IVECO BUS придонесе за мобилноста на Милано и денес неговите возила сочинуваат 45% од целата флота на АТМ, 550 од вкупно 1.200 автобуси. Само за паралела, во Скопје на редовните линии се обраќаат околу 350 автобуси, а проценката е дека флотата, на ЈСП и приватните превозници, брои вкупно околу 400 активни автобуси.
Можеби примерот на АТМ ќе поттикне размислување во нов смер на градските власти кога ќе дојде време за обнова на возниот парк за јавен транспорт во нашата „метропола“.
