Huawei со технологија за самовозечки автомобили

Занимливости

Huawei со технологија за самовозечки автомобили

Со намера да стане лидер во автономните технологии, кинескиот Huawei лансираше 5G-базиран хардвер

објавено на 25 април 2019 година

На запад оспорувана а во Кина фалена, 5G технологијата на Huawei наскоро ќе се најде во автомобилите. Со ознака MH5000, ова парче хардвер е базирано на Balong 5000 5G чипот претставен во јануари. Според Huawei, нивниот модул  има висока брзина и висок квалитет и е важен производ за идните интелигентни автомобили. Тие уште додаваат и дека овој прв светски комуникациски хардвер за автомобилската индустрија ќе им помогне во плановите да започнат со комерцијализација на 5G мрежната технологија за автомобилскиот сектор, и тоа уште во втората половина на годинава. Huawei во последниве години ги тестираше технологиите за интелигентно поврзување на автомобилите во неколку кинески града и веќе има потпишано договор за соработка со неколку производители на автомобили, како што се FAW, Dongfeng и Changan. Оваа компанија која е најголем производител на телекомуникациска опрема во светот се стреми да ја предводи глобалната трка за 5G мрежите новата генерација, но е под сериозен притисок од западните земји кои тврдат дека опремата може да се користи за шпионирање.