Австриската компанија AVL конструира мотор на согорување што користи водород, има 410 коњи и нула емисија на СО2
Продажбата на електричните автомобили бележи пад, особено во САД. Не е во прашање само цената на ЕВ, проблематична е инфраструктурата и неопходноста секое полнење да се планира што знае да биде фрустрирачки за сопствениците. Традиционалните производители не се подготвени да ги напуштат моторите на согорување и бараат алтернативни решенија. Одговорот е водородот.
AVL, австриска компанија за инженерство, разви иновативен мотор со согорување на водород кој може да направи револуција во мотоспортот и транспортот. Нивниот прототип на четири цилиндерски мотор со 410 коњски сили може да работи на водородно гориво со нула емисија на CO2, обезбедувајќи перформанси споредливи со традиционалниот мотор што користи бензин.Технологијата на AVL користи директно вбризгување на водород во комората за согорување. Ова му овозможува на моторот да работи слично како конвенционален бензински или дизел мотор, но напојуван од водород. Постојат предизвици поврзани со согорувањето на чист водороден гас во моторите со согорување. Опсегот на запаливост на водородот во воздухот и брзината на согорување се различни од бензинот.
Ова бара прилагодувања на системот за вбризгување гориво, времето на палење, дизајнот на комората за согорување и системите за ладење во споредба со конвенционалниот ICE. Инженерите на AVL го оптимизираа дизајнот на водородниот мотор за ефикасност и излезна моќност. Ова вклучува работа на моторот со поголем сооднос на компресија за да се искористи побрзото согорување на водородот. Прототипот постигнува термичка ефикасност над 50% – значително повисока од еквивалентен бензински мотор. Ова достигнување е голема шанса за опстанокот на моторите на согорување и уживањето во возните својства на класичните автомобили.
