Сите знаеме дека за возење по автопатиштата во Германија не се плаќа патарина, но тоа не значи дека е бесплатно
Германскиот ADAC направи анализа на цените на горивата на бензинските пумпи на автопатиштата и на оние надвор од нив во близина на излезите. А резултатите се запрепастувачки – за резервоар гориво се плаќа и по дваесеттина евра повеќе. Со анализата беа опфатени 50 пумпи на автопатиштата и исто толку надвор од нив. Според добиените бројки, бензинот во просек е поскап за 43,7 центи а дизелот за 42,5 центи. Најголемата забележана разлика изнесува 57 центи и тоа меѓу две бензински пумпи оддалечени една од друга само три километри. Најмалата разлика пак изнесува 5,9 центи за бензин и само 0,9 центи за дизел. Според собраните податоци, 90 отсто од пумпите наплатувале по повеќе од 30 центи за литар бензин а 24 отсто и повеќе од 50 центи. Овие проценти кај дизелот изнесуваат 88 односно 18 отсто. Според ADAC причина за повисоките цени се скапите концесии и високите трошоци за 24-часовно работење на бензинските пумпи.
