Ford на германските работници им ја „честита“ својата стогодишнина со нови откази
Ford го организираше целиот настап на салонот на автомобилите во чест на стогодишнината од основањето на германската филијала, но место честитки на своите работници им најави откази – дури на илјада од нив, веќе од јануари идната година. На нив во бироата за вработување ќе им се придружат уште 2.900 колеги чие отпуштање до 2027-мата беше најавено лани. Ако пак се погледне уште некоја година наназад, бројките се уште поцрни – пред затворањето на фабриката во Зарлуj за Ford во Германија работеа околу 20 илјади луѓе, а деценија пред тоа скоро 30 илјади. Сега пак во единствената и последна преостаната фабрика во Германија ќе останат само 7.600.
