Новиот бренд во портфолиото на Порше Македонија е Cupra. Вчера во нејзиниот нов дом беше организирано свечено отворање на продажниот салон.
Автомобилската индустрија се менува со секавично темпо и на пазарот се појавуваат нови брендови што ги следат желбите на новите купувачи.
Шпанската Cupra која е премиум ќерка на добро познатиот ЅЕАТ беше основана пред пет години и за овој кус период не само што успеа да се отргне од прегратките на донаторот, туку се избори да направи потполно поинаков пристап во формирањето на своите модели.
Визијата за новиот бренд ќе внесе свеж ветер во автомобилската понуда и животен стил. Првиот електричен модел на марката Born не се прослави, но затоа одличен курс зазедоа компактниот Leon и спортскиот кросовер Formentor, а на пат е третиот модел Terramar.
Воодушевувањето не изостана кај присутните гости од возилата што беа изложени и од пробните возења направени со нив. Амбициите не се кријат дека Cupra бргу ќе ги освои купувачите што сакаат премиум возила, но на еден сосема поинаков начин.
Тие купувачи сакаат да се одвојат од останатите со својот животен стил и потребата за нешто поинакво, нешто што отскокнува од сегашната понуда. Најголемо изненадување е продажниот салон на Cupra е што тој повеќе личи на бутик отколку продажен пункт за возила.
Атмосферата е пријатна, топла. Секако дека во центарот на вниманието се автомобилите, но прошетката низ него ми ја разјасни визијата на брендот. Cupra за своите поклоници има голем избор на трендовски производи, од специјално изработени модни парчиња облека до аксесоари.
Тоа искуство треба да се доживее, исто како и возењето на Leon и Formentor. Тоа можете да го искусите во новиот Cupra центар на ул. Босна и Херцеговина. 
